.png)
Gazeta Si – Një tjetër mrekulli nga rrënojat e tërmeteve në Turqi dhe Siri: një grua 77-vjeçare doli e gjallë 212 orë pas tërmetit të 6 shkurtit.
Shpëtimi ndodhi në Adiyaman, në rajonin juglindor të Turqisë, siç raporton agjencia shtetërore turke e lajmeve “Anadolu”.
Ndërkohë, mbi 41,000 persona janë konfirmuar të vdekur në të dy vendet, por numri jashtëzakonisht i rëndë është ende i përkohshëm.
Adıyaman’daki arama kurtarma çalışmalarına aralıksız destek veren Gölcük Tersanesi Komutanlığı personelimiz, Fatma Güngör isimli 77 yaşındaki bir vatandaşımızı depremin 212’nci saatinde enkazdan sağ çıkardı.
— T.C. Millî Savunma Bakanlığı (@tcsavunma) February 14, 2023
Biriz Beraberiz 🇹🇷 pic.twitter.com/lLkvoCij2W
Gruaja, emri i së cilës është Fatma Güngör, është transportuar me ambulancë dhe është dërguar në spital. Pas shpëtimit, familjarët e 77-vjeçares kanë përqafuar ekipet e kërkim-shpëtimit.
Një grua tjetër, 45-vjeçare, Melike Imamoglu, u nxor e gjallë pas 222 orësh nga rrënojat e një ndërtese që u shemb për shkak të tërmetit në Kahramanmaras, një nga qytetet më të mëdha të prekur nga tërmeti. Këtë e ka bërë të ditur agjencia shtetërore turke e lajmeve “Anadolu”.
Mbi 41 mijë persona janë konfirmuar të vdekur nga tërmeti që goditi Turqinë dhe Sirinë të hënën e kaluar.
Sipas fjalëve të presidentit turk Rexhep Tajip Erdogan, siç raporton Trt Haber, në vend janë 35.418 të vdekur.
Këtyre i shtohen edhe vdekjet në Siri, të cilat sipas të dhënave të fundit të Kombeve të Bashkuara dhe agjencisë qeveritare Siriane Arabe, kanë arritur në 5814.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje