.png)
Gazment Bardhi ka reaguar lidhur me vendimin që mori Ilirjan Celibashi të enjten në mesditë duke i kthyer PD-së zyrtare dokumentet për plotësim.
Celibashi në argumentin e tij njohu Lulzim Bashën kryetar të PD-së, në atë formë që është i regjistruar në regjistrin e partive politike dhe tha se duhet të plotësojë edhe disa përgjegjësi të tjera që rrjedhin nga detyra e kryetarit sipas nenit 64 të Kodit Zgjedhor për regjistrimin e partive politike.
Celibashi dha 48 orë kohë për plotësim, ndërsa Bardhi i ka dhënë drejtim.
“PD ka dorëzuar dokumentacionin e plotë ligjor për regjistrim. Deklaratat e sotme politike të KQZ nuk kanë asnjë lidhje me ligjin, por janë formalizim i një vullneti politik ekstraligjor. Nuk do të ketë asnjë plotësim dokumentacioni sa kohë ai është dorëzuar i plotë!”, shkruan ai, duke i mbetur kështu Komisionit të Ankimimeve dhe Sanksioneve (KAS) që të vendosë.
Indrit Sefa, përfaqësuesi i PD-së zyrtare, lajmëroi se do ta ankimonte vendimin e Celibashit në KAS.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje