.png)
Gazeta Si – Mbi 685 mijë emigrantë të paligjshëm nga Libia thuhet se janë gati të nisen për të zbarkuar në bregdetin Italian, sipas 007-ave vendase.
Shifra u shfaq në raportin e emigracionit që i dërgohet çdo javë qeverisë. Në të gjithë vitin 2022, mbërritjet kishin qenë 104 mijë kur flukset ishin ende të frenuara nga pandemia.
Tani, numri i njerëzve që vijnë vetëm nga vendi afrikan është pothuajse shtatë herë më i lartë.
Kjo është arsyeja pse çështja ka marrë karakterin e plotë të një emergjence.
Është e qartë se shumica e atyre njerëzve do të përfundonin duke e lënë fatin e tyre në duart e organizatave të trafikantëve dhe rrjedhimisht të kontrabandistëve.
Në takimet e fundit dypalëshe, qeveria italiane është përpjekur së bashku me atë libiane të frenojë flukset përmes një aksioni më vendimtar për të kontrolluar territorin.
Kjo, u diskutua në misionin në Tripoli në fund të janarit nga kryeministrja Giorgia Meloni, së bashku me ministrat e Jashtëm dhe të Brendshëm, Antonio Tajani dhe Matteo Piantedosi.
Por duket e pamundur që, përballë shifrave të tilla alarmante, kontrolli i thjeshtë i territorit mund të sjellë rezultate efektive.
Prej këtu buron ideja e forcimit të korridoreve humanitare, programeve të transferimit në Itali për njerëzit në kushte veçanërisht të cenueshme.
Një çështje, që Meloni e ngriti në letrën dërguar Presidente së Komisionit Evropian ditët e fundit.
Me përgjigjen e vetë Ursula von der Leyen, e cila njoftoi ndarjen e gjysmë miliardë eurove për “zhvendosjen” në Evropë të 50 mijë emigrantëve pikërisht nëpër korridore. Një shenjë pozitive, e cila megjithatë nuk mjafton.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje