.png)
Deputetët e Partisë Demokratike i kanë kujtuar, përmes një dokumenti zyrtar, kryeparlamentares Lindita Nikolla se anulimi i seancës parlamentare ditën e hënë është në shkelje të Rregullores së Kuvendit.
“Kjo vendimmarrje nuk bëhet sipas dëshirës së kryetares së Kuvendit, dhe përgjegjësia bie direkt mbi Kryetaren e Kuvendit, znj.Lindita Nikolla, e cila duke marrë vendimin për anulimin e seancës ka shkelur të drejtën e deputetëve për të përfaqësuar në Kuvend problematikat e zonave të tyre elektorale.
Deputetët e Partisë Demokratike e konsiderojnë anulimin e kësaj seance të datës 13 mars 2023, një akt të rëndë kundër parlamentarizmit dhe një akt anti-kushtetues”, thuhet në njoftimin e PD së Berishës.
Ndërkohë, Kuvendi kishte lajmëruar më herët anulimin e seancës për shkak të Ditës së Verës ditën e martë dhe takimit të deputetëve me zgjedhësit nëpër rrethe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje