.png)
Gazeta Si – Në Marsejë të Francës, një pallat 4-katësh u shemb gjatë natës në qendër të qytetit dhe një zjarr i pengoi ekipet e shpëtimit të kërkonin për viktima të mundshme prej disa orësh.
Sipas kryetarit të Bashkisë së qytetit të dytë më të madh francez, Benoît Payan, deri tani raportohet pët të paktën 6 persona të plagosur.
“Një ndërtesë në rrugën ‘Tivoli’ u shemb, duke shkaktuar rënien e një pjese” të dy ndërtesave ngjitur, shpjegoi Payan, duke shtuar se “aktualisht ka ende një zjarr në rrënoja që pengon dërgimin e qenve dhe ekipeve në kërkim të viktimave të mundshme që mund të jenë poshtë”.
#Marseille | Les recherches dans les décombres ont été immédiatement déclenchées pour extraire d’éventuelles victimes & procéder aux « levées de doute » avec des équipes Unité de sauvetage et de recherche USAR (urban search ans rescue). Des actions d’extinction sont aussi menées. pic.twitter.com/0YdBOEhuPw
— Pompiers de France (@PompiersFR) April 9, 2023
Zjarrfikësit që operojnë në zonë, nuk kanë arritur ende të bëjnë regjistrimin e njerëzve që mund të kenë qenë në ndërtesë në momentin e shembjes.
“Ne kemi njëqind njerëz në terren: prioriteti është padyshim që të shuajmë zjarrin dhe të pastrojmë rrënojat për të kërkuar njerëz që mund të jenë bllokuar”, tha zëvendësadmirali i zjarrfikëseve, Lionel Matthew.
“Shkaku i shembjes nuk është përcaktuar ende”, thanë policia, zjarrfikësit dhe zyrtarët e bashkisë.
Ndërtesat ngjitur me atë dëmtuar tashmë janë evakuuar, si masë sigurie. “Njëmbëdhjetë persona janë evakuuar: dy janë në emergjencë relative, ndërsa nëntë të tjerë, duke përfshirë dy fëmijë janë të padëmtuar”, tha kryebashkiaku i Marsejës.
Rrugët përreth ndërtesës, në lagjen “La Plaine”, janë të rrethuara nga forcat e sigurisë. “Ishte si një shpërthim i madh”, – tha një dëshmitar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje