.png)
Në ditën e dytë të vizitës së tij në Tiranë, i dërguari special i Shteteve të Bashkuara të Amerikës për Ballkanin Perëndimor, Gabriel Escobar, zhvilloi një takim të shkurtër në zyrat e reja të PD-së me kryetarin e komanduar Enkelejd Alibeaj.
Escobar shoqërohej nga ambasadorja e SHBA Yuri Kim, të cilët u pritën ne fillim të takimit nga sekretari i Përgjithshëm Gazment Bardhi.
Më pas, Escobar takoi kreun e Partisë së Lirisë, Ilir Metën.
LEXO EDHE:
– Fotot/ Escobar në Tiranë, takon Ramën dhe Begajn, Presidenca zbardh takimin. Të mërkurën bisedon me Metën dhe Alibeajn
– Mesazhi i vizitës në Tiranë, Escobar: 14 maji i rëndësishëm, kandidatët të jenë me integritet të lartë
Në përfundim të takimit, Escobar pasi doli nga selia e Partisë së Lirisë, përshëndeti Metën, duke konfirmuar një tjetër takim me të. “Shihemi së shpejti!”, i tha Escobar Metës. Ky i fundit tha shkurt me për mediat se detajet e takimit do të bëhen publike me anë të një deklaratë zyrtare nga Partia e Lirisë. I pyetur nëse ka marrë një ftesë për të vizituar SHBA, Meta nuk dha përgjigje. Më vonë Meta përcolli nje deklarate zyrtare rreth takimit të zhvilluar.
“Theksova rëndësinë e ruajtjes së përbashkët të partneritetit dhe aleancës strategjike, midis Shteteve të Bashkuara të Amerikës dhe Shqipërisë.
Për Shqipërinë, aleanca me SHBA është themelore për demokracinë, zhvillimin ekonomik, sigurinë e vendit dhe të rajonit.
E falenderova për mbështetjen e projektit të bazës së NATO në Kuçovë, si dhe ndihmën e jashtëzakonshme për forcimin e kapaciteteve mbrojtëse të sigurisë kibernetike.
Vlerësova se angazhimi i SHBA në procesin e negociatave mes Kosovës dhe Serbisë është thelbësor dhe garantues drejt përfundimit me sukses të dialogut mes dy vendeve.
Theksova se zgjedhjet e 14 Majit janë një ditë e madhe e ndryshimit për të gjithë shqiptarët, që do t’i japi fund monizmit në pushtetin vendor dhe do të rikthejë demokracinë, transparencën dhe Llogaridhënien në të gjitha bashkitë e vendit”, thunet në njoftimin e PL
Në këto takime, ashtu siç edhe pritej, Escobar do të shmangë takimin me Sali Berishën, (apo përfaqësues të tij) sa kohë është i shpallur ‘Non Grata’ nga SHBA.
Pas takimeve të martën me kryeministrin Rama dhe Presidentin Begaj, Ambasada e SHBA-ve në Tiranë nënvizoi rëndësinë e zgjedhjeve të ardhshme lokale, zbatimin e rekomandimeve të ODIHR-it dhe nevojën që partitë politike dhe liderët të sigurojnë kandidatë me integritet të lartë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje