.png)
I dërguari special i Shteteve të Bashkuara të Amerikës për Ballkanin Perëndimor, Gabriel Escobar ka filluar vizitën e tij dy ditore në Tiranë me një takim të shkurtër me kryeministrin Edi Rama në zyrën e këtij të fundit. Takimi ka zgjatur rreth 20 minuta.
Më pas Escobar u takua me Presidentin e Republikës, Bajram Begaj. Ne takim ishte i shoqëruar edhe nga ambasadorja e SHBA-së, Yuri Kim.
Presidenca njoftoi se, Presidenti Bajram Begaj ka vlerësuar gjatë takimit marrëdhëniet mes dy vendeve. Sipas tij, SHBA ka rol të pazëvendësueshëm në garantimin e paqes dhe sigurisë. Begaj vlerësoi mbështetjen që SHBA dhe Escobar i kanë dhënë negociatave Kosovë-Serbi. Sipas Presidentit, normalizimi i marrëdhënieve Kosovë – Serbi, është një proces me ndikim të madh rajonal
Të mërkurën ai pritet të takohet me kreun e komanduar të Partisë Demokratike Enkelejd Alibeajn, Gazment Bardhin e Jorida Tabakun.
Në të njëjtën ditë ka parashikluar një takim edhe me Ilir Metën.
Ashtu sic edhe pritej nuk do të kenë ndonjë takim me tij dhe Sali Berishës apo përfaqësuesve të këtij të fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje