.png)
Gazeta Si – Shtatë persona në Malësi të Madhe janë arrestuar, pasi u përfshinë në një konflikt fizik brenda ambienteve të një lokali. Policia thotë se përplasja e tyre është bërë për motive të dobëta.
Ndërhyrja në kohë e strukturave ligjzbatuese ka parandaluar përshkallëzimin e situatës.
Ndërkohë që pas sherrit ata janë shoqëruar në komisariat dhe po pyeten për rrethanat.
Për këtë rast, u arrestuan në flagrancë shtetasit: F. M., 48 vjeç, M. M., 22 vjeç, L. M., 24 vjeç, L. M., 20 vjeç, A. B., 52 vjeç, J. B., 25 vjeç dhe D. B., 40 vjeç, banues në Koplik dhe në Belfast, Irlandë e Veriut.
Sipas policisë, mbrëmjen e djeshme, në ambientet e një lokali në Koplik, dyshohet se për motive të dobëta, ata kanë kanosur njëri-tjetrin, janë konfliktuar fizikisht, si dhe nuk i janë bindur urdhrit të punonjësve të Policisë, gjatë shoqërimit në ambientet e Komisariatit.
Të ndaluarit akuzohen për veprat penale “Kanosja”, “Plagosja e lehtë me dashje”, “Prishja e qetësisë publike” dhe “Mosbindja ndaj urdhrit të punonjësit të policisë së rendit publik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje