.png)
Kandidati i koalicionit “Bashkë Fitojmë” për Tiranën, Belind Këlliçi, prezantoi të enjten projektin e tij për ndërtimin e një nënkalimi në sheshin “Skënderbej” me qëllim zgjidhjen e trafikut, nëse merr mandatin si kryebashkiak.
Këlliçi ka sqaruar se për këtë projekt nuk do të dëmtohet asnjë pllakë e sheshit aktual.
Sipas tij, tuneli do të jetë i gjatë 400 metra dhe do të ketë katër korsi.
Kostoja sipas tij është 4 deri në 4.5 milionë euro.
“Ky është një investim që kërkon vullnet politik. Trafiku në Tiranë stres për qytetarë, ndot edhe ajrin. Zgjidhje perfekte me kosto minimale. Pas 14 majit do jem një administrator i bashkisë, nuk do jem gjitholog. Tirana, një ndër qytetet më të ndotura në Europë…”, tha Këlliçi
Ai ka vënë bast me qytetarët se nëse ky projekt nuk realizohet brenda datës 1 janar 2024, do të japë dorëheqjen.
“Brenda datës një janar 2024 ky projekt do jetë realitet, nëse nuk ndodh jap dorëheqjen. 60% e trafikut në zemër të Tiranës do të zgjidhet”, tha Këlliçi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje