.png)
Kryetari i Partisë Demokratike, Sali Berisha ka zhvilluar një takim elektoral në Bajram Curri, ku prezantoi kandidatin e koalicionit ‘Bashkë Fitojmë’, për bashkinë e Tropojës, Besnik Dushaj. Berisha kërkoi votën për kandidatin Dushaj ndërsa u premtoi tropojanëve sfida që mund të realizohen nëse PD-ja vjen në pushtet
“Asnjë votë për Rexh Byberin. Po iu drejtohem socialistëve: më thoni pak, cili prej jush ka votuar për emërimin e tij për kandidat bashkie? Cili prej jush është pyetur? Kurrë mos votoni për ata që për hir të xhepit, ndërrojnë parti.
Çdo socialist i Tropojës është 10 herë me më shumë integritet se Rexh Byberi.
U garantoj se kësaj radhe, askush nga Biberajt nuk do e votojë.
14 maji është ditë ndryshimi i madh, hapet rruga për rrëzimin e këtij regjimi monist.
U garantoj se të gjitha institucionet do kthehen në Tropojë. U garantoj se i gjithë rrjeti elektrik i fshatrave të Tropojës do rindërtohet.
U siguroj se Autostrada e Alpeve do jetë autostrada më panoramike e Ballkanit dhe Europës”, tha ndër të tjera Berisha gjatë tubimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje