.png)
Gazeta Si – Një 45-vjeçar, i dënuar për vrasje në vitin 1996, u arrestua nga policia Kufitare në Portin e Vlorës. Policia tha se Edmond Panaori po vinte në Shqipëri nga Italia, duke tentuar të kalonte nga Porti i Vlorës.
Ai ishte shpallur në kërkim, pasi Prokuroria pranë Gjykatës së Rrethit Gjyqësor Fier, më 15 dhjetor të vitit të kaluar, ka nxjerrë urdhrin për të rikthyer në fuqi vendimin e vitit 2021 nga Gjykata e Lartë.
Ky vendim, e dënonte Panaorin me 10 vite burg, nga të cilat ai kishte për të kryer edhe 3 vite e 4 muaj.
Panaori është dënuar, pasi në vitin 1996, në fshatin Mbers, Fier, ka vrarë me armë të ftohtë (thikë) një person me iniciale G.S.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje