.png)
Gazeta Si – Një aksident ndodhi mbrëmjen e të hënës në Baldushk të Tiranës, ku një 17-vjeçar me iniciale Sh.V., ka humbur jetën.
Sipas policisë, adoleshenti ka humbur kontrollin e mjetit që drejtonte dhe ka dalë nga rruga. Për pasojë është përplasur me bordurën anësore, por plagët kanë qenë shumë të rënda dhe nuk ka mbijetuar dot.
“Më datë 22.05.2023, rreth orës 22:30, në Baldushk, shtetasi Sh. V., 17 vjeç, duke drejtuar automjetin tip “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga dhe është përplasur me bordurën anësore. Si pasojë e aksidentit drejtuesi i automjetit, shtetasi Sh. V., ka ndërruar jetë”, njoftoi policia.
Deri më tani nuk dihen rrethanat e kësaj ngjarje. Grupi hetimor po punon për sqarimin e tyre
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje