.png)
Gazeta Si – Një 34-vjeçar në Lapardha të Beratit është arrestuar, pasi qëlloi disa herë me armë zjarri në ajër.
Ngjarja ndodhi mbrëmjen e së martës rreth orës 20:30 në një rrugë të fshatit Lapardha, teksa 34-vjeçari me iniciale H.D. ka qenë në automjetin e tij.
Policia, pas informacionit që mori, bëri të mundur arrestimin e 34-vjeçarit, person me precedent penal.
Për të njëjtën ngjarje u procedua penalisht në gjendje të lirë edhe një 34-vjeçar me iniciale E.S., i cili dyshohet se ka shoqëruar në automjet të arrestuarin dhe nuk ka kallëzuar krimin.
Në cilësinë e provës materiale, u sekuestrua automjeti me të cilin qarkullonte shtetasi H. D.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje