.png)
Sot hyjnë në fuqi marrëveshjet e nënshkruara nga Procesi i Berlinit, mes vendeve të Ballkanit Perëndimor.
Pas ratifikimit të marrëveshjeve nga qeveritë e 6 vendeve të Ballkanit Perëndimor, këtë të enjte ato kanë filluar zbatimin.
Tre marrëveshjet parashikojnë lëvizjen e lirë me karta identiteti të personave ndërmjet vendeve të Ballkanit Perëndimor, njohjen e diplomave universitare dhe njohjen e kualifikimeve për tre profesione: mjekët, dentistët dhe arkitektët.
Marrëveshjet u nënshkruan më 3 nëntor të vitit të kaluar, në samitin e Procesit të Berlinit që u zhvillua në Gjermani në prani të kancelarit Olaf Scolzh.
Lajmin për futjen e marrëveshjeve në fuqi, e ka bërë publike ministri i Jashtëm i Maqedonisë së Veriut, Bujar Osmani.
“Lëvizja e lirë e personave vetëm me letërnjoftime brenda Ballkanit Perëndimor; lëvizshmëria e studentëve, profesorëve dhe punonjësve akademikë, ndërsa procedurat e njohjes shkurtohen nga disa muaj në dy javë dhe pa shpenzime”, njofton ndër të tjera Osmani
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje