.png)
Ditët e nxehta të korrikut pritet të ndjehen dhe brenda Partisë Socialiste dhe siç duket sipas gjasave dhe në qeverinë Rama.
Mësohet se pas ngjarjeve të fundit që lidhen me vendimin e SPAK të miratuar nga Parlamenti për arrestimin e ish-numrit dy të qeverisë, Arben Ahmetaj me akuzat për korrupsion, Rama do të thërrasë me urgjencë Asamblenë e PS. Mbledhja do të mbahet të mërkurën.
Akoma nuk dihet agjenda, por pas zhvillimeve më të fundit, në korridoret e PS është përfolur për ndryshimet në qeveri. Gjithsesi kjo mbetet për t’u parë, kur Rama pritet të shpallë vendimet e tij (nëse do të ketë ndonjë të tillë). Ndërkohë që pas emërimit të Taulant Ballës si ministër i Brendshëm, posti i kreut të grupit të PS ka mbetur bosh.
Veç çështjes Ahmetaj, socialistët po përballen dhe me skandalin e fundit me fondet e Brukselit të programit IPARD për bujqësinë, ku nën akuzë është vënë Ministrja e Bujqësisë, Frida Krifca. Pritet për t’u parë nëse Rama do të riformatojë të plotë qeverinë, apo vetë disa dikastere. Veç Ballës, të gjithë të tjerët mbeten të pasigurtë në postin e tyre ministror.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje