.png)
Partia Socialiste shpallet fituese e zgjedhjeve në Bashkinë e Rrogozhinës.
Bashkia e Rrogozhinës përgjatë katër viteve të ardhshme do të drejtohet nga Edison Memolla.
Ai arriti të mund rivalin me rezultat diferencues nga koalicioni “Bashkë Fitojmë”, Shkëlqim Hoxha.
Nga 21 vota avantazh në 14 maj, kjo diferencë ka shkuar në rreth 1752 në favor të Memollës.
Pas procesit të numërimit, KQZ do të duhet të shpallë zyrtarisht fituesin e kësaj njësie vendore çka do të përmbyll zyrtarisht edhe procesin elektoral të vendoreve të 14 majit.
Memolla siguroi 6,658 vota ndërsa Shkëlqim Hoxha i koalicionit opozitar “Bashkë Fitojmë” mundi të siguronte 4,906 vota.
Kryeministri Edi Rama ka reaguar pasi kandidati socialist Edison Memolla rezultoi fitues në zgjedhjet e përsëritura në bashkinë e Rrogozhinës.
“RROGOZHINA VETËM PËRPARA me Edison Memollajn dhe Partinë Socialiste.
Pas rizgjedhjeve të djeshme në Rrogozhinë, kandidati ynë e thellon fitoren e 14 majit, ku doli përpara me 21 vota, me një avantazh spektakolar prej 1752 votash.
Urime Edison dhe një bravo të madhe për të gjithë skuadrën tonë, e cila nxorri mësimin e duhur nga gara e mëparshme, duke u angazhuar dhe organizuar ende më mirë, për të dalë shumë më lart në zgjedhjen e djeshme pjesore”, shkruan Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje