.png)
Ai tha se e ka mik në seancën e Kuvendit kur foli gjatë për Kosovën. Por kryeministri Edi Rama sqaroi gjithashtu se me Albin Kurtin si kryeministër kanë divergjenca botëkuptimore.
Megjithatë kjo nuk do t’i kish penguar ata që të shihnin bashkë ndeshjen e rëndësishme Shqipëri-Çeki në Air Albania ku dy kryeministra shqiptarë qëndrojnë larg njëri tjetrit ndryshe nga shqiptarët e Kosovës, Maqedonisë së Veriut dhe gjithë Shqipëria që mbrëmë ishin bashkë në shkallët e stadiumit.
Në seancën e Kuvendit, ku u miratua rezoluta për Kosovën, Rama tha se “Kosova po rrezikon ta humbasë shansin historik që i jep plani franko-gjerman”.
Kreu i qeverisë e pa ndeshjen bashkë me bashkëshorten e tij Linda dhe djalin e vogël Zaho.
Ndërsa Albin Kurti një kat më lart (nga vendi ku qëndronte Rama) i shoqëruar nga djali i Adem Jasharit dhe zv.kryeministrja e Shqipërisë, Belinda Balluku.
“Unë Albin Kurtin e kam mik më shumë se Ramush Haradinajn, me të cilin në një segment të caktuar të këtij rrugëtimi jam gjendur në një konflikt personal kur ai ishte kryeministër. Me Kurtin nuk kam pasur kurrë asnjë problem personal, madje në nivelin personal e kam kënaqësi të komunikoj me të. Por me kryeministrin aktual të Kosovës ka divergjenca botëkuptimore mbi mënyrën se si arrihet te qëllimi i përbashkët kombëtar. Prandaj marrëdhënia miqësore nuk më ka penguar as sot, do t’i shpreh divergjencat se jam kryeministri i Shqipërisë”, u shpreh Rama të enjten në Kuvend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje