.png)
Këshilli i Sigurimit i OKB-së rrëzoi një rezolutë të propozuar nga Rusia për luftën në Rripin e Gazës, që dënonte dhunën dhe terrorizmin kundër civilëve, por në rezolutë nuk përmendej sulmi i befasishëm i Hamasit i të cilit që vrau 1300 izraelitë.
Vetëm katër vende iu bashkuan Rusisë në votimin për rezolutën, Kina, Emiratet e Bashkuara Arabe, Mozambiku dhe Gaboni.
Katër vende votuan kundër, Shtetet e Bashkuara, Britania, Franca dhe Japonia.
Gjashtë vendet e tjera abstenuan, mes tyre edhe Shqipëria.
Ambasadori ynë në OKB, Ferit Hoxha tha se Shqipëria abstenoi sepse rezoluta e Rusisë nuk trajtonte siç duhet çështjet kritike dhe as nuk dënonte sulmin e Hamasit.
“Shqipëria abstenoi në projekt-rezolutën e paraqitur nga Rusia sepse teksti nuk arriti të trajtonte siç duhet të gjitha çështjet kritike, duke përfshirë dënimin e sulmeve terroriste nga Hamasi. UNSC duhet të bashkohet në dënimin e terrorizmit, të adresojë shumë nevoja urgjente dhe urgjente në terren, duke përfshirë situatën e rëndë humanitare në Gaza dhe mbrojtjen e civilëve kudo”, shkruan Hoxha.
Sipas tij, situata kritike nuk ka nevojë për konkurrencë mes teksteve, apo protagonizëm mes shteteve anëtare.
“Kërkon diplomaci aktive nga aktorët rajonalë dhe ndërkombëtarë, siç po ndodh; dhe këtu, në Këshill, angazhim nga të gjithë dhe në mirëbesim, të bashkohemi për t’iu përgjigjur në mënyrën më të mirë të mundshme nevojave kritike në terren”.
Rezoluta konsiderohet e miratuar me të paktën nëntë vota “po” në këshillin prej 15 anëtarësh.
Organi më i fuqishëm i OKB-së, i cili është i ngarkuar me ruajtjen e paqes dhe sigurisë ndërkombëtare, nuk ka arritur t’i përgjigjet sulmit të Hamasit të 7 tetorit ndaj Izraelit dhe përgjigjes së Izraelit me sulme ajrore hakmarrëse që kanë vrarë 2750 persona në Rripin e Gazës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje