.png)
Kryeministri Edi Rama ishte në Dropull ku mori pjesë në përurimin e sheshit të Derviçanit, që do të mbajë emrin e Konstantinos Mitsotakis
“Në sheshin e rilindur të Derviçanit, i cili do të mbajë emrin e Konstantinos Mitsotakis, i pari kryeministër i Greqisë që vizitoi Dropullin, ku busti i tij do të qëndrojë si shëmbëlltyra e të vërtetës historike, se ajo që i bashkon qysh në lindje të kohërave popujt e vendet tona është përjetësisht më e madhe, se sa çfarëdoqoftë mund t’i ketë ndarë a ndajë përkohësisht, për arsyet e mos-arsyes së politikës”, komentoi fillimisht Rama në Facebook.
Përurimi i sheshit me emrin e ish-kryeministrit grek ishte një aktivitet i paralajmëruar shumë kohë më parë por që me zhvillimet aktuale mes dy vendeve ajo merr rëndësi të veçantë, nisur nga debati i ngrire për çështjen ‘Beleri’.
Në aktivitetin e organizuar ra në sy prania e flamujve grek. Të pranishëm ishin edhe ambasadorja e Greqisë në Tiranë por munguan zyrtare e lartë të PBDNJ. Mungesa më e madhe ishte ajo e djalit të ish-kryeministrit të ndjerë, Kyriakos Mtsotakis që drejton qeverinë aktualë ne Greqi.
Rreth 10 muaj më parë, ende pa u bërë zgjedhjet në Greqi, kur Rama dhe Mtsotakis ishin bashkë ne Derviçan, kryeministri iu drejtua:
“E para duhet të vijë si kryeministër (pra të fitojë zgjedhjet) sepse po nuk ishte kryeministër bust nuk ka dhe e dyta në përvjetorin e të atit ne shpresojmë ta kemi këtu. kështu që Kyriakos jep fjalën që do të vish këtu bashkë me mua sepse unë do të jem prape kryeministër, në shesh për vendosjen e bustit të të ndjerit dhe të paharruarit në këtë zonë babait tuaj”, i tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje