.png)
Deputetët e Partisë Demokratike, Dashnor Sula dhe Kreshnik Çollaku janë përplasur me njëri-tjetrin pas mbylljes së komisionit të Punëve të Jashtme në Kuvend.
Nga pamjet e publikuara Çollaku dhe Sula shfaqen teksa shkëmbejnë replika që i drejtohet si “lëngaraq, servil dhe legen”, ndërsa Sula e cilëson kolegun si “mashtrues”.
Deputeti Çollaku i thotë Sulës se do të bëjë kallëzim penal ndaj tij pasi ky i fundit e cenoi fizikisht, duke e kapur një sekond nga krahu.
“Deputeti qëllon deputetin”, tha në nerva e sipër Çollaku duke i kujtuar Sules edhe disa tendera.
Është dashur edhe ndërhyrja e një prej pjesëtarëve të Gardës së Republikës për të ndarë dy deputetët e opozitës.
Dashnor Sula: E ke dh*!
Kreshnik Çollaku: Pusho o Dash! O dash, pusho se ta them dhe gjënë tjetër, dhe më keq. Mos hyj në këto, bëj punën tate ate bej…Të foli njeri, a te foli njeri?
Dashnor Sula: O udhëheqësi i madh! O udhëheqësi i madh…
Kreshnik Çollaku: Mos më fol si trim or burrë se e di unë ça je, O Dash mos or burrë me mu.
(Deputeti Dashnor Sula e cënon nga krahu me dosje, ndërhyn punonjësi i Gardës)
Dashnor Sula: Ta pres fytin po ik tashi…(ne debat e siper)
Kreshnik Çollaku: Ik tashi, unë bëj kallëzim penal.
Dashnor Sula: Ça ke, hë?
Kreshnik Çollaku: O langaraq, po ik o dreq se le kokrrën e nomit! (Garda e largon deputetin)
Dashnor Sula: Servil, legen!
Kreshnik Çollaku-deputetëve të opozitës: A e pe ça bëri?
Dashnor Sula: Ti shajte, ça të bona ty mor çun?!
Kreshnik Çollaku: O legen!
Dashnor Sula: Vazhdo, vazhdo…
Kreshnik Çollaku-Gardës: Deputeti qëllon deputetin!
Dashnor Sula: Ku të qëllova mor, ku të qëllova? O mashtrues!
Kreshnik Çollaku: Ik mor palaço!
Dashnor Sula: Ti je mashtrues mor ti
Kreshnik Çollaku: Po te flas si njeri mashtron diten me diell shko hap mesazhet e Edi Ramës ti, palaço!
Dashnor Sula: Ee belaaaaa…
Kreshnik Çollaku: Palaço, bën si demokrat, si opozitar..
Dashnor Sula: O mashtrues, o mashtrues!
Kreshnik Çollaku: Se në darkë çon mesazhe, hapi letrat të shohim ku i ke tenderat…?
Debati ka nisur me herët ku deputetët e grupit Bardhi-Berisha nuk kanë lejuar zhvillim normal të punimeve, duke i rënë tavolinës me duar.
Sula iu drejtua Çollakut, i cili nuk bën pjesë te deputetët demokratë që bllokojnë punimet.
“Jeni bërë dele mo Niku”, i tha Sula deputetit që ishte ulur ne komision për të vijuar zhvillimin normal të komisionit.
Çollaku replikoi duke i thënë Sulës se nuk e bën Ina Ramën presidente, duke iu referuar një propozimi të hershëm të Sulës për emërimin e ish-kryeprokurores si kryetare të shtetit.
Sula i kthehet duke thënë se është krenar për propozimin e tij, ndërsa debati më tej u zhvendos në korridorin jashtë sallës me tonë të larta.
Opozita ka njoftuar se nuk do të lejojë që punimet në Kuvendin e Shqipërisë të zhvillohen normalisht derisa të plotësohen kërkesat e tyre.
Ata thonë se opozitës i janë shkelur të drejtat kushtetuese, duke mos lejuar ngritjen e komisionit hetimor, përzgjedhjen e bashkëkryetarit të reformës zgjedhore, si dhe kërkojnë gjithashtu që mos ndërhyhet në punët e brendshme të PD.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje