.png)
Pyetje: Djali im 14 vjeçar mendon se di gjithçka dhe nuk dëgjon asnjë këshillë që i them. Ndoshta, kjo është pjesë e moshës, por unë dua të luftoj këtë tendencë për të zvogëluar shumë probleme me personalitetin e tij në të ardhmen. Unë kam nevojë për ndihmë për t’i treguar rrugën e duhur djalit tim.
A ka ndonjë mënyrë se si unë mund të flas më të pa krijuar zënka të gjata ?
Përgjigje: Çdo prind në këtë moshë të fëmijëve mendon shumë gjëra për ta bërë fëmijën e tij një njeri më të mirë. Ajo që ndodh në moshën e adoleshencës është se fëmijët përpiqen të formojnë karakterin e tyre.
Me duhet të them se këto faza janë normale për një adoleshent dhe prindërit në këto situata duhet të jenë udhërrëfyesi i tyre.
Zhvillimi i trurit të fëmijës tuaj në moshën e adoleshencës është më i shpejtë dhe i egër se sa kur ishte një foshnje.
Për shkak se luhatja e humorit të fëmijëve është prezent gjatë moshës së adoleshencës kjo krijon shpesh situata të pakënaqshme midis teje dhe tij. Arroganca e tij gjithashtu është normale, ashtu si një fëmijë i vogël që është kokëfortë, edhe një adoleshent ndjehet sikur di gjithçka dhe është vështirë të ndryshosh mendimet e tyre. Kjo pjesë e tij që mund të duket problem në këto momente tregon se në të ardhmen ai do të bëhet i aftë për të qenë i pavarur në të ardhmen.
Në vend të qortimeve pafund, siç bëjnë zakonisht të gjithë prindërit, kur djali juaj ju tregon një dëshirë ose mendim, ju duhet ta pyesni se çfarë ndikoi në ndryshimin e mendimeve të tij. Shpesh adoleshentët kanë mënyrën e tyre të veçantë për të parë botën. Në librin e tij “Brainstorm” Daniel Siegel pohon se adoleshentët e sotëm mendojnë më shumë dhe janë më pak të predispozuar drejt sjelljeve të këqija. Ata kanë një krenari të pashpjegueshme dhe e shohin veten si lider në të ardhmen. Kjo është diçka tepër e mire dhe e vlefshme, sepse i përgatit ata për jetën në të ardhmen.
Nëse mendoni se miqtë e djalit tuaj po e drejtojnë atë në rrugë të keqe, unë do të ju thoja se duhet të jeni të guximshëm për të folur me prindërit e shokëve të fëmijës tuaj.
Në thelb, unë po kërkoj të zgjidhni një rrugë të mesme. Mos e merrni personalisht qëndrimin dhe arrogancën e tij, por kjo nuk do të thotë të injoroni shenjat e problemeve më të thella. Unë këshilloj se duhet të shoqëroheni me prindërit e shokëve të fëmijës tuaj. Ndoshta kjo gjë nuk është e pëlqyeshme, por është diçka e vlefshme që prindërit të flasin më shpesh me njëri-tjetrin.
Nga Meghan Leahy, e cila punon prej kohësh, si trajnere e certifikuar për sjelljen e prindërve me fëmijët dhe është nëna e tre vajzave./The Washington Post/
Nëse keni pyetje, kontaktoni në info@gazetasi.al
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje