.png)
Në një kohë që Ministria e Arsimit ka siguruar ambiente të reja mësimi për studentët e Fakultetit Juridik ka ardhur edhe reagimi i ministres së Shtetit për Marrëdhëniet me Kuvendin, Elisa Spiropali.
Në një dalje për mediat, ministrja ka akuzuar opozitën se po merr peng fakultetet. Ajo sqaroi se shkak i daljes në këtë deklaratë, është shqetësimi për pengmarrjen e Fakultetit të Drejtësisë. Sipas saj, tanimë ka mbetur vetëm një karikaturë e protestës, me angazhimin e drejtpërdrejtë të PD, LSI dhe vetë Sali Berishës.
“Tanimë nuk kemi të bëjmë më me protestë të studentëve, ajo që ishte protesta i hap rrugë Paktit për Universitetin dhe plotësimit të kërkesave, ulje të tarifave, por mbi të gjithave një transformim të infrastrukturës universitare, partneritet mes ministrive dhe fakulteteve që kanë lidhje me to, punësimin e të rinjve me rezultateve më të mira, përkthimin e titujve botërorë dhe standard për titujt. Ajo që ka mbetur është një karikaturë e protestës dhe angazhimin e PD, LSI dhe vetë Sali Berishës, që është i angazhuar me disa segmente të vogla brenda universitetit të ushqyer me tituj të pamerituara dhe punësim të paturpshëm aty ku kanë rrjetet nepotike militante dhe klanore”, u shpreh ministrja Spiropali.
Në fund, ministrja Spiropali i bën thirrje rektorit që t’u përgjigjet studentëve.
“I bëj thirrje rektorit që t’u përgjigjet studentëve, ose nëse ka zgjidhje tjetër le ta bëjë publike”, përfundoi Spiropali.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje