.png)
Taulant Balla e ka përgjigjen në majë të gjuhës sa herë që bëhet fjalë për ndonjë nismë, dokument apo emri të firmosur nga Sali Berisha se, PS-ja nuk pranon propozime nga “non-gratat”.
Por kur pyetet për një tjetër politikan të shpallur “non grata” nga SHBA, Tom Doshi, aleati i domosdoshëm i Ramës veçanërisht për Shkodrën, Balla nuk përgjigjet.
I pyetur konkretisht për një aleancë me Tom Doshin zgjedhjet e ardhshme lokale dhe situatën jo të mirë të PS në degën e Shkodrës, Balla u përgjigj:
“PS ka aleancë me njerëzit e zakonshëm të këtij vendi. Ne do të vijojmë të bashkëqeverisim vetëm me njerëzit e thjesht e të zakonshëm…”. Megjithatë, Balla iu referua viteve të mëparshme kur PS-ja ka dalë e vetme në zgjedhje dhe nënvizoi se aleancat nuk ishin objekti i diskutimit të grupit parlamentar të PS.
Në të njëjtën kohë, Balla ishte i qartë për koalicionin tjetër “Meta-Berisha” përballë PS-së.
“Në 2021 nuk ishin të gjithë bashkë? Bashkë ishin. Saliu, Iliri bashkë kanë qenë gjithmonë dhe kur Iliri ka qenë me ne. Nuk i është ndarë kurrë shpirti nga Saliu. PS ka një aleancë me njerëzit e zakonshëm të këtij vendi që do të jenë boshti i aleancës sonë. Ne do ta ruajmë këtë aleancë…” tha Balla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje