.png)
Kuvendi i thirrur nga Sali Berisha të shtunën e 30 Prillit shkarkoi nga detyra e kryetarit të grupit, Enkelejd Alibeajn me argumentin se nënkryetari i ri që do të zgjidhet brenda Majit me statut do të jetë automatikisht edhe kryetari i grupit.
Në anën tjetër, procedura e ndjekur nga rregullorja e Kuvendit për kryetarin e grupit ka një tjetër proces.
Atë e zgjedh shumica e deputetëve të grupit.
Mes kakofonisë nëse është apo jo edhe kryetar i grupit, Enkelejd Alibeaj ishte për urim në Komunitetin e Myslimanëve për të uruar festën e Fitër Bajramit.
Një dalje kjo për të treguar se ai është ende jo vetëm kryetar i grupit por edhe kryetar i komanduar i PD-së.
Në anën tjetër edhe Taulant Balla u pyet nga media se me kë të do të negocionte PS-ja për zgjedhjen e Presidentit kur njëra palë në PD e kishte shkarkuar Alibeajn.
Duke qenë se u shkarkua Enkelejd Alibeaj, me kë do negocioni për presidentin?
“Zoti Alibeaj është me origjinë nga Fieri, ndaj dhe nuk mund të bëjë koment për fierakët”, u përgjigj Balla që uroi festën pikërisht nga qyteti i Fierit
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje