.png)
Partia Demokratike i mbylli primaret për kandidatët në zgjedhjet e ardhshme lokale, por ky fakt i kryer tashmë nuk e ka penguar kryetarin e LZHK-së, Dashamir Shehi, që të flasë për cilësitë që duhet të kenë garuesit përballë emrave të PS-së.
Shehi është shprehur se kandidatët duhet të jenë fytyra të reja dhe të papërlyera dhe jo domosdoshmërisht nga PD-ja, pasi në momentin që ndodh kjo ka kufizim.
“Na duhet një kandidat që të bëhet zëdhënësi i kësaj platforme. Na duhet një fytyrë e re dhe e papërlyer. Jo patjetër duhet të ketë kandidat i PD-së. Në momentin që do jetë vetëm i PD-së e kanë kufizuar këtë”, është shprehur Shehi. Por PD dhe PL e Ilir Metës e kanë mbyllur këtë kapitull me kandidatët.
Ajo që pritet janë emrat e Enkelejd Alibeajt që zyrtarisht figuron kryetar i komanduar i partisë. Fakti që Shehi nuk e kufizoi emrin vetëm tek PD-ja do të thotë se ai po sheh përtej gardhit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje