.png)
Ministrja e Infrastrukturës dhe Energjisë, Belinda Balluku, në një deklaratë për mediat ka bërë me dije se qeveria ka miratuar kontratën e koncesionit për ndërtimin e aeroportit të Kukësit me fitues Bashkimin e Përkohshëm të Shoqërive “Global Technical Mechanichs” sh.p.k. dhe “Bami” sh.p.k.
Sipas ministres, kontrata e koncesionit është për 35 vite, ndërsa kontrata për ndërtimin e aeroportit është 24 muaj.
“Sot është miratuar nga qeveria kontrata e koncesionit për aeroportin e Kukësit. Koncesioni i tenderimit u krye në dhjetor 2018. Kohëzgjatja e kontratës së koncesionit është 35 vite dhe kontrata për ndërtimin është 24 muaj. Për ndërtimin e aeroportit do të punësohen fillimisht 250 persona dhe në fazën finale do të shkojë në 12 mijë të punësuar. Aeroporti pritet të ketë 300 mijë pasagjerë në vit”, tha ndër të tjera ministrja Balluku. Investimi parashikon rehabilitimin dhe operimin e aeroportit të Kukësit, duke bërë zgjerimin e pistës, zgjerimin e terminalit të pasagjerëve, zgjerimin e zonës së parkingut, etj. Aeroporti do të ketë qëllim të funksionojë për transport me kosto të ulët duke qenë se për nga infrastruktura, thjeshtësia dhe teknologjia e tij, ai i përshtatet modelit të biznesit të linjave ajrore me kosto të ulët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje