.png)
“Sot rreth 10 milionë fëmijë në Afganistan kanë nevojë për ndihmë humanitare për të mbijetuar. Është vlerësuar se një milion fëmijë do të vuajnë nga kequshqyerja këtë vit dhe ata mund të vdesin pa trajtim. Rreth 4.2 milionë fëmijë nuk ndjekin shkollën, përfshirë mbi 2.2 milionë vajza. Që nga janari, Kombet e Bashkuara kanë regjistruar mbi 2,000 shkelje serioze të të drejtave të fëmijëve. Rreth 435,000 fëmijë dhe gra janë zhvendosur brenda vendit”
Drejtoresha e Unicef, Henrietta Fore, thotë në një shënim të saj se “ky është realiteti i ashpër me të cilin përballen fëmijët afganë, dhe mbetet i tillë pavarësisht nga zhvillimet e vazhdueshme politike dhe ndryshimet e qeverisë”.
“Nevojat humanitare të fëmijëve dhe grave gjithashtu do të rriten muajt e ardhshëm për shkak të motit të thatë dhe mungesës së vazhdueshme të ujit, pasojave shkatërruese të pandemisë Covid -19 dhe fillimit të dimrit. Kjo është arsyeja pse, pas 65 vitesh në Afganistan duke luftuar për të përmirësuar jetën e fëmijëve dhe grave, UNICEF do të mbetet në terren tani dhe për ditët në vazhdim. Ne jemi të përkushtuar fort ndaj fëmijëve të vendit dhe ka ende shumë punë për të bërë për ta”
“Miliona – këmbëngul drejtoresha e agjencisë – do të vazhdojnë të kenë nevojë për shërbime thelbësore, përfshirë kujdesin shëndetësor, vaksinat kundër poliomelitit dhe fruthit, mbrojtjen, strehimin, ujin dhe kanalizimet. Vitet e fundit, është bërë përparim domethënës në aksesin e vajzave në arsim – është jetike që këto arritje të vazhdojnë në mënyrë që të gjitha vajzat në Afganistan të marrin arsim cilësor”
Së fundmi, Fore u bëri thirrje talebanëve dhe palëve të tjera që “të sigurojnë që UNICEF dhe partnerët e tjerë humanitarë të kenë qasje të sigurt, në kohë dhe të pakufizuar për të arritur tek fëmijët që kanë nevojë për ta kudo që janë. Për më tepër, të gjithë punonjësit humanitarë duhet të kenë hapësirën për të vepruar sipas parimeve humanitare, neutralitetit, paanësisë dhe pavarësisë ”.
“Angazhimi ynë ndaj fëmijëve të Afganistanit është i qartë dhe qëllimi ynë është të sigurojmë që të drejtat e secilit prej tyre të realizohen dhe mbrohen”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje