.png)
Protesta të reja u zhvilluan në Afganistan pavarësisht ndalimit të talebanëve për demonstrata, të cilët urdhëruan popullsinë të qëndrojë në shtëpi.
Sipas televizionit britanik BBC, protestuesit dolën në rrugë në pjesë të ndryshme të vendit, dhjetëra u mblodhën gjithashtu pranë ambasadës pakistaneze në Kabul, ku talebanët hapën zjarr në ajër në përpjekje për të shpërndarë turmën.
“Talebanët duhet ta kuptojnë këtë: Afganistani i sotëm nuk është ai që qeverisën 20 vjet më parë. Pastaj ata bënë atë që donin dhe ne heshtëm. Por tani jo më. Ne nuk do të pranojmë gjithçka që ata thonë. Ne nuk do të veshim burka ose të qëndrojmë të mbyllur në shtëpi”.
Kjo është dëshmia e Ramzia Abdekhil, një prej demonstruesve afgane, të cilat dolën në rrugë javën e kaluar në Kabul, siç raporton gazeta turke “Hurriyet”.
“Ne do të vazhdojmë luftën për punën tonë dhe për të drejta të barabarta. Asnjë qeveri në botë nuk duhet të njohë talebanët nëse ata qeverisin siç kishin bërë 20 vjet më parë”, shtoi gruaja, e intervistuar nga një reporter së bashku me dy demonstrues të tjerë “në zonën për familjet”, në një restorant në kryeqytetin afgan, duke parë që gratë nuk lejohen më të ulen në publik me burra që nuk janë pjesë e familjes së tyre.
“Unë punoja në një bar dhe në të njëjtën kohë isha duke studiuar në universitet. Kur talebanët morën kontrollin, lokali u mbyll dhe unë humba punën time. Nuk e di nëse do të jem në gjendje të kthehem në universitet. Përpara se të ishim të lirë, ne mund të punonim dhe të dilnim vetëm. Por tani jemi mbyllur në shtëpi. Ne jemi të shqetësuar”, – tha Sureyya Nesret, një tjetër protestuese e intervistuar.
Pavarësisht rreziqeve, aktivistët i sigurojnë ata se duan të vazhdojnë angazhimin e tyre, siç shpjegon Maryam Meshel Hashimi: “Kur erdhën talebanët, vetëm gratë ngritën zërin. Por nëse burrat na mbështesin, ne mund të arrijmë shumë kundër talebanëve”.
اعتراض بانوان در کاپیسا با شعار؛ «زندهباد مقاومت، پاکستان دشمن دیرینهی افغانستان است.»#آماج_نیوز pic.twitter.com/au16mG1UAb
— Aamaj News (@AamajN) September 9, 2021
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje