.png)
Qyteti kryesor i Afganistanit verior, Kunduz, ka rënë në duart e talebanëve. Lajmi bëhet i ditur nga burimet locale, gjë që është raportuar edhe nga kryengritësit.
Pushtimi erdhi pas luftimeve të ashpra në rrugë dhe pasi vendi mbeti i braktisur pas largimit të trupave të NATO -s.
Pas Kunduzit, qyteti i Sar-e-Pul, në Afganistanin veriperëndimor, ra gjithashtu në duart e talebanëve, të cilët pushtuan kryeqytetin e katërt krahinor në tre ditë.
“Talebanët, – tha një këshilltar krahinor i qytetit, Mohammad Hussein Mujahidzada, – kanë rrethuar një batalion ushtrie në periferi. Tani i gjithë qyteti është nën kontrollin e talebanëve”.
Dhe ndërsa ofensiva talebane vazhdonte, Britania e Madhe, e ndjekur nga afër nga SHBA-të, kishte ftuar bashkatdhetarët e saj të largoheshin menjëherë nga vendi.
Ministria e Jashtme në fakt ka këshilluar britanikët të shmangin të gjitha udhëtimet në Afganistan dhe, për ata që janë tashmë atje, i ka bërë thirrje të largohen menjëherë. Të njëjtën gjë kanë bërë edhe SHBA-të me amerikanët që ndodhen atje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje