.png)
Gazeta Si – Një automjet i ambasadës ruse në vendin tonë është aksidentuar me pjesën ndarëse metalike të rrugës dhe ka dalë prej andej, duke u përplasur më pas me bordurën.
Si pasojë, policia bën me dije se ka humbur jetën shtetasi rus Sergei Mironov, 36 vjeç, i cili ishte pasagjer.
Ngjarka ka ndodhur mbrëmjen e djeshme te mbikalimi në Mjull Bathore rreth orës 23:20 pranë zonës së TEG-ut në kryeqytet.
Mësohet se 36-vjeçari humbi jetën në spital dhe se ai punonte si shoqërues i ambasadorit rus në Tiranë.
Për pasojë, ka mbetur i plagosur edhe 30-vjeçari rus, Andrea Kukuviç, i cili ndodhet në spital nën kujdesin e mjekëve.
Si pasojë e aksidentit, mjeti i ambasadës ruse është shkatërruar totalisht. Burime nga grupi hetimor thonë ka dyshime që makina ka qenë me një shpejtësi rreth 180 km/h.
Gjithashtu raportohet se automjeti me targa diplomatike ka shkeulur disa herë rregullat e qarkullimit rrugor dhe është shpallur me “Alert” nga policia.
Makina, në të paktën 2 raste është konstatuar nga makina inteligjente duke udhëtuar tej normave të lejuara.
Lidhur me këto shkelje të rregullave të qarkullimit rrugor ishte vendosur në dijeni edhe Ambasada e Rusisë në Tiranë.
Grupi hetimor po punon për sqarimin e rrethanave të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje