.png)
Gazeta Si – Dy aksidente rrugore kanë përgjakur rrugët e vendit mbrëmjen e të shtunës. Një i mitur vetëm 7 vjeç, teksa po qëndronte në lokalin e babait të tij që gjendet buzë rrugës ‘Shkëndija’ në fshatin Bërxullë të Tiranës, kur nga përplasja e dy automjeteve humbi jetën.
Lokali ka pësuar dëme të konsiderueshme, çka tregon se përplasja ka qenë shumë e fortë.
Policia bën të ditur në njoftimin e saj, se fëmija ndodhej në rrugë kur ndodhi përplasja fatale, ndërsa një banor i zonës the se i mituri ndodhej brenda në lokalin në pronësi të babait të tij dhe shtoi se i mituri ndërroi jetë në vendngjarje.
Dy drejtuesit e mjeteve janë të moshave 30 dhe 63 vjeç, ndërsa policia ka ngritur një grup hetimor për sqarimin e rrethanave.
Shtatë persona mbetën të plagosur në një aksident të rëndë që ndodhi në Rrugën e Kombit në Rrëshen të shtunën.
Rreth një orë pas akasidentit në Bërxullë, dy automjete, një “Audi” dhe një “BMË” u përplasën mes tyre.
Në mjetin Audi udhëtonte një familje me 5 persona; babai (shofer) A.M., bashkëshortja D.M. dhe 3 vajzat e tyre të mitura.
Ndërsa në makinën tjetër me targa të Kosovës udhëtonin dy gra, B.S. dhe M.S.
Për pasojë janë lënduar fizikisht të gjithë personat që ndodheshin në mjetet e përfshira në aksident.
Katër të plagosur u dërguan në Spitalin e Rrëshenit, ndërsa të 3 tjerë në Spitalin e Traumës në Tiranë.
Paraprakisht raportohet se ndodhen jashtë rrezikut për jetën.
Grupi hetimor në vendin e ngjarjes vazhdon veprimet hetimore për zbardhjen e plotë të rrethanave të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje