.png)
Pas aksidentit të rëndë që ndodhi rreth orës 04:30 minuta të ditës së sotme në Fushë-Krujë, ka humbur jetën njëri prej të rinjve të aksidentuar. Pasagjeri Altin Vogli nuk ka mundur t’u mbijetojë plagëve të marra dhe ka ndërruar jetë në Spitalin e Traumës.
Aksidenti ka ndodhur në aksin rrugor Fushë Krujë-Krujë, në afërsi të fshatit Kamberas. Një Fuoristradë, në të cilën udhëtonin tre të rinj nga Kruja, ka dalë nga rruga dhe ka goditur bordurën e një karburanti që ndodhet anës rrugës.
Të plagosurit janë Ilir Gega (shoferi) dhe miku i tij, Dorjan Hifi (pasagjer).
Sipas të dhënave të para të policisë, shkak i aksidentit është bërë shpejtësia e lartë me të cilën udhëtonte Fuoristrada si dhe mungesa e sinjalistikës dhe standardet e dobëta të rrugës.
Mësohet gjithashtu se për të nxjerrë të rinjtë nga automjeti është dashur ndërhyrja e zjarrfikëseve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje