.png)
Anëtari i kryesisë së PD-së, Fatbardh Kadilli ka deklaruar se kryedemokrati Lulzim Basha nuk duhet të japë llogari vetëm për veprimet politike në krye të selisë blu, por edhe për lakimet e emrit të tij për përfitime financiare apo aludimet që hidhen se bashkëpunon me kryeministrin Rama.
“Ajo që është më e rëndësishme është që lideri i opozitës dhe figurat e saj duhet te jenë të pastra 100 % dhe të kujdeset në çdo veprim të jetës së tyre publike dhe të jenë larg konfliktit të interesit dhe përftimit te vërtet dhe aparent. Një lider opozite duhet të jap mesazhin e vërtetësisë dhe të pastërtisë politike e financiare apo të konflikti të interesave. Sa here ngrihet një hije dyshimi i kemi bërë dëm opozitës, ne duhet të jemi të pastër para publikut, nuk është vetëm një ngjarje dhe Basha ka disa akuza të shpeshta dhe Basha duhet të sqarojë publikun dhe po se besuan atë të ndershëm nuk e konkurron dot Ramën në korrupsion”, tha Kadilli për “Report Tv” pas pyetjes drejtuar atij lidhur me disa akuza në media për një bashkëpunim të mundshëm nën rrogoz të Bashës me Ramën për ndërtimin e Portit të ri të Durrësit
Kadilli kritikoi gjithashtu zgjerimin e strukturave burokratike në PD nga Lulzim Basha.
“Demokratizimi i partisë nuk bëhet duke shtuar anëtarësinë apo dhe poste dhe dekorata duke shtuar ofiqet emërton dhe jep tituj njerëzve në PD, si presidenti që jep dekorata ka kufij. Por partia nuk ka nevojë për tituj dhe dekorata, por ka nevojë për frymëzim dhe moral politik”, tha Kadilli
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje