.png)
Gazeta Si – Papa Françesku u përfshi në polemika me Moskën për shkak të një deklarate, ku kritikoi ashpër veprimet e njësive luftarake buriate dhe çeçene me përbërje etnike gjatë pushtimit rus në Ukrainë.
Duke folur në një intervistë për revistën jezuite “Amerika”, Papa i quajti ata “mizorë”. “Më mizorët janë ata që janë pjesë e Rusisë, por nuk kanë tradita ruse, si çeçenët, buriatët e të tjerë”.
Ministria e Jashtme ruse, përmes zëdhënëses Maria Zaharova akuzoi Papën për racizëm, duke i konsideruar këto deklarata si “degjenerim”.
“Kjo nuk është më ‘Rusofobi’, por një degjenerim i nivelit të papërshkrueshëm. Ne jemi një familje me burjatët, çeçenët dhe përfaqësues të tjerë të vendit tonë shumë-etnik”.
Polemikat i japin goditje përpjekjeve të Vatikanit që ofroi ndërmjetësim mes Kievit dhe Moskës për uljen e tensioneve, të cilin Kremlini e mirëpriti.
Ndërkohë, ambasadori rus në Vatikan, Alexander Avdeev, i tha agjencisë së lajmeve RIA Novosti se ai kishte shprehur “indinjatën” e Moskës ndaj Selisë së Shenjtë për fjalët e Papës në një intervistë me revistën jezuite “America” në lidhje me aktet e mizorisë së trupave ruse në Ukrainë, sidomos buriatët dhe çeçenët.
“Unë shpreha zemërim për insinuatat e tilla dhe theksova se asgjë nuk mund të dëmtojë kohezionin dhe unitetin e popullit shumëkombësh rus”, – tha ambasadori.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje