.png)
Të paktën një e treta e futbollistëve anglezë jo vetëm që nuk janë vaksinuar, por as kanë ndërmend ta bëjnë këtë gjë. Ky është rezultati i një sondazhi të kryer te klubet e tre kampionateve profesioniste në Angli, përtej Premier Ligës. Sipas të dhënave të publikuara nga e përditshmja “Daily Telegraph”, rreth 70% e lojtarëve të English Football League, që ka 72 klube (Championship, League One dhe League Two), kanë marrë dozën e parë të vaksinës, pra janë pro vaksinimit.
Një përqindje në një linjë me mesataren kombëtare që nga momenti që në Angli, në fashën e moshës 18-29 vjeç, 70% ka marrë të paktën dozën e parë. Për momentin, kampionati anglez nuk ua imponon lojtarëve të federuar të bëjnë vaksinën dhe shumë prej tyre, – si për shembull, mesfushori i Evertonit Fabian Delf, – kanë dalë hapur kundër vaksinës. “Nuk është një teori komploti të besosh se sistemi imunitar është në gjendje të bëjë atë, për të cilën është krijuar”, – ka thënë ai.
Pasi doli pozitiv në një test anti-Covid të zhvilluar në grumbullimin e kombëtares zvicerane, u zbulua se edhe Granit Xhaka, mesfushori shqiptar i Arsenalit, është mes lojtarëve që kanë refuzuar deri tëni të vaksinohen, pavarësisht tentativave për ndërgjegjësim nga ana e klubit të tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje