.png)
Ish-deputeti dhe koordinatori digjital në Partinë Socialiste, Alfred Peza nuk do të jetë kandidat për deputet në zgjedhjet e 25 prillit.
Peza njofton se ka zhvilluar një takim me Kryeministrin, i cili i ka shprehur gatishmërinë për të kandiduar dhe për të qenë pjesë e deputetëve të PS-së pas zgjedhjeve, por shton se ofertën e ka refuzuar.
“E falenderova Edi Ramën për këtë interesim, që e konsideroj të posaçëm pasi nuk është në stilin e punës së tij! U ndjeva mirë duke e ditur edhe që listat janë plotësisht në dorën e drejtuesve të qarqeve, deri kur ata të vijnë nesër në zyrën e Ramës në PS para mbledhjes së kryesisë në mbrëmje. Por refuzova! I thashë Kryeministrit dhe po ua them të gjithëve se jam ndjerë i privilegjuar që kam përfaqësuar edhe më parë vullnetin elektoral të qytetarëve në Kuvendin e Shqipërisë, por karrigia e deputetit nuk është për mua në këtë fazë të jetës dhe aktivitetit tim”, deklaron Peza.
Ish-deputeti socialist thotë se do të vazhdojë të qëndrojë në krah të Edi Ramës dhe shprehet i bindur në fitoren më 25 prill.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje