.png)
Kryetari i komanduar që do të çojë PD-në në zgjedhje ka ankimuar në KAS vendimin e kryekomisionerit Ilirjan Celibashi për të regjistruar koalicionin “Bashkë Fitojmë”.
Sipas përfaqësuesit ligjor, Indrit Sefa, marrëveshja e koalicionit përmban referenca të Partisë Demokratike, në kushtet kur kjo forcë politike apo kryetari i saj, nuk ka shprehur vullnetin për të marrë pjesë në këtë koalicion.
Sipas shkresës së paraqitur, marrëveshjes i mungon gjithashtu elementi për përcaktimin e kandidatëve nga secila parti politike.
“Në kushtet kur subjekti politik ‘Komisioni i Përkohshëm i Themelimit’ është përjashtuar nga marrëveshja, mbetet e paqartë se cila parti politike do të propozojë kandidatët e koalicionit”, thuhet në shkresën e Indrit Sefës
Kryekomisioneri vendosi regjistrimin e koalicionit pa Sali Berishën në zgjedhje me argumentin se Berisha nuk figuron ligjërisht kryetar i partisë.
Në koalicionin “Bashkë Fitojmë” sipas Celibashit në zgjedhje duhet të shkojë Meta, Dule dhe Ndoka pa Berishën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje