.png)
Nënkryetari i Partisë Demokratike, Enkelejd Alibeaj, ka publikuar debatet e mbledhjes së një dite më parë të PS në Shkodër, ku socialistët flasin për emërimet e drejtorëve në këtë qark.
Në një postim në rrjetet sociale, sipas Alibeajt, anëtarët e PS-së në Shkodër ankohen te Sekretari i Përgjithshëm, Damian Gjiknuri se vendet e punës po ua marrin aleatët, ndërsa socialistët janë ende pa punë.
Nga ana e tij, Gjiknuri reagon duke thënë se nuk do të ketë më emërime drejtorësh për ata që nuk kanë dhënë kontributin e tyre.
Alibeaj akuzon qeverinë se po drejton vendin në bashkëpunim me krimin dhe masakra zgjedhore e tregon këtë. Deputeti demokrat nënvizon se PD, me fakte dhe prova ka paralajmëruar “se si modeli i ndërtuar nga Edi Rama po përhapet si një tumor në indet e partisë që ai sundon dhe metastazat shtrihen në gjithë aparatin shtetëror:,
Sipas tij, “debatet e PS-së së Shkodrës, konfirmojnë se pushteti i rrëmbyer me masakrën zgjedhore në bashkëpunim me krimin, nuk i përket qytetarëve, as socialistëve, por ortakëve të Edi Ramës që blenë vota, shantazhuan, dhunuan, dhe në këmbim marrin kontrollin mbi ato institucione që i shërbejnë më mirë interesave të tyre kriminale”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje