.png)
Komisioneri Shtetëror i Zgjedhjeve, Ilirjan Celibashi vendos të enjten për regjistrimin e Partisë Socialiste, Bindjes Demokratike, LZHK-së, Partisë së Lirisë dhe mbi të gjitha se cila palë do të përfaqësojë PD-në në zgjedhje.
Në rendin e ditës së KQZ-së janë përfshirë të dy kërkesat me dy vula dhe dy kryetar; njëri nga Sali Berisha dhe tjetri nga Enkelejd Alibeaj si kryetar i autorizuar.
Për rastin e Berishës pak gjasa ka që të regjistrohet se kohe që edhe vetë Apeli në vendimin e tij e konsideronte palën përfaqësuese nga Berisha si komisioni i Rithemelimit dhe palën tjetër të Alibeajt ai PD-ja zyrtare.
Në anën tjetër edhe regjistrimi i Alibeajt si kryetar i autorizuar vlen për interpretim sa kohë që Kodi Zgjedhor nuk e parashikon specifikisht një atribut të tillë, referuar nenit 64 të Kodit lidhur me përgjegjësitë e kryetarit.
A do të mund Celibashi të regjistrojë PD-në si sigël? Dhe me kë në këtë rast? Me Alibeajn si kryetar i komanduar që nuk e njeh Kodi apo me Lulzim Bashën që me letra juridikisht njihet edhe pse ka dhënë dorëheqjen publikisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje