.png)
Ambasada Ruse në Tiranë shprehet e habitur në lidhje me deklaratën e Sali Berishës, që para se të hynte në seancën plenare të Kuvendit të enjten foli për “shumë përrallore që i ishin ofruar” për të refuzuar TAP-in.
“U habitëm nga fjalët e Sali Berishës se 10 vjet më parë ai refuzoi ryshfetin gjoja të propozuar nga Gazprom për zhvillimin e projekteve energjetike në Shqipëri”, thotë Ambasada.
Më tej, rusët ironizojnë duke ngritur një pyetje?
“Na lind natyrshëm pyetja: sa kërkoi zoti Berisha që as Gazpromi nuk mundi t’i mbledhë dot ato shuma përrallore?”, mbyllet reagimi i Ambasadës.
Të enjten, Sali Berisha lëvdoi dërgesën e parë të gazit në Itali. Duke folur për këtë projekt ai tha se si kishte sfiduar lobimet greke për shmangien e Shqipërisë nga ky gazsjellës dhe në një moment u shpreh se i ishin ofruar shuma marramendëse për ta refuzuar projektin.
“Dua të them një mesazh për ata që shpallën Sali Berishën non grata. I them mafies së George Soros se vetëm për TAP-in Berishës i janë ofruar shumat më përrallore, por ai qëndroi në mbrojtje të interesave të popullit të tij“, tha Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje