.png)
Gazeta Si – Në fund të mandatit të ambasadores Yuri Kim, Departamenti Amerikan i Shtetit ka nisur procedurat e zëvendësimit.
Konfirmimi në fakt si rrallë herë për mbarimin e mandatit të Kim nuk erdhi nga SHBA, por nga Ministria e Punëve të Jashtme të Shqipërisë me anë të një postimi në Twitter.
“Për të shmangur çdo spekulim mbi “heshtjen” e MEPJ, konfirmojmë se procedura e zëvendësimit të ambasadores Kim ka nisur zyrtarisht. Për emrin e ambasadorit të ri procedura nuk na lejon të bëjmë komente, shkruhet në postimin e Ministrisë së Jashtme.
Duke iu referuar burimeve diplomatike, raportohet se njeriu që do të zëvendësojë ambasadoren Kim mund të jetë David Kostelanick.
Aktualisht ai është drejtor i Zyrës për Qendrore dhe Jugore për Evropën në Departamentin Amerikan të Shtetit.
Fillimisht është DASH që i dërgon emrin për pëlqim Ministrisë së Punëve të Jashtme dhe pasi të jetë dakordësuar, emri i propozuar nominohet për postin e ambasadorit nga Presidenti i SHBA.
Kandidatura e nominuar duhet të paraqitet në senat nga ku zhvillohet një dëgjesë e më pas është senati që e miraton.
Në përgjigje të interesimeve të medias gjatë gjithë ditës dhe për të shmangur çdo spekullim mbi “heshtjen” e MEPJ, konfirmojmë se procedura e zëvendësimit të ambasadores Kim ka nisur zyrtarisht, ndërkohë që për emrin e ambasadorit të ri procedura nuk na mundëson të bëjmë komente.
— Albanian MEFA 🇦🇱 (@AlbanianDiplo) December 8, 2022
Yuri Kim erdhi në Shqipëri si Ambasadore e Shteteve të Bashkuara të Amerikës në janar të 2020-ës. Ajo ka qenë më parë shefe e kabinetit të zëvendëssekretarit të shtetit dhe drejtoreshë e Qendrës për Studimin e Administrimit të Diplomacisë. Po ashtu, ka qenë ndihmëse e posaçme e sekretarit të shtetit, Colin Powell.
Jashtë SHBA-ve ajo ka punuar në Turqi, Irak, Republikën e Koresë, Japoni dhe Kinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje