.png)
Nuk mund të mohohet se Devid Bekham ka marrë më të mirën nga jeta, në fushën e futbollit dhe jashtë saj. Për të duket se asgjë nuk është e pamundur, edhe tani, në rolin e presidentit dhe pronarit të Inter Majemit në MLS.
Objektivi i tij i radhës është mjaft ambicioz: të transferojë në skuadrën e tij dy futbollistët më të fortë të 15 viteve të fundit, Kristiano Ronaldon dhe Lionel Mesin. Anglezi ëndërron që portugezi dhe argjentinasi, tashmë në fund të karrierës, të veshin fanellën e Inter Majemit në kampionatin amerikan.
Për “Sun”, Bekham ka deklaruar: “Te Majemi tifozët duan të shohin sa më shumë yje të futbollit botëror. Në fakt, kemi lojtarë si Higuain dhe Matuidi, por duam të tjera emra të mëdhenj. Lojtarët duhet të kenë stimujt e duhur për skuadrën, të kenë ende ambicie dhe dëshirë për të fituar.
Mesi dhe Ronaldo kanë qenë në majën e futbollit botëror gjatë 15 viteve të fundit dhe Majemi ka nevojë për ta. Përfaqësojnë pa dyshim tipin e lojtarëve që duam të kemi në skuadër”. Nëse ndodh vërtet që dy yjet e futbollit botëror t’i bashkohen skuadrës së Bekham, do të ishte hera e parë që ata do të luanin bashkë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje