.png)
Pas disa shtyrjesh, sot në Gjykatën e Apelit të Tiranës ka nisur seanca për ankimimin e grupit të Enkelejd Alibeajt, lidhur me 2 Kuvendet e Partisë Demokratike.
Alibeaj kërkon regjistrimin e Statutit të 18 dhjetorit bashkë me ndryshimet e statutit në Kuvendin e 17 korrikut 2021 (kur Basha ishte kryetar).
Një ndër vendimet e rëndësishme të atij Kuvendi (18 dhjetorit) ishte përjashtimi nga partia e personave që janë “non grata” nga SHBA-të duke synuar në mënyrë të drejtpërdrejtë Sali Berishën.
Në rast se gjykata do të pranojë ankimin e PD-së për të bashkangjitur dy kërkesat për ndryshimet statutore, atëherë “zhbëhet” Kuvendi i 11 dhjetorit 2021 i Sali Berishës.
Ndërkohë avokati i PD, Rezart Kupthi, ka kërkuar sot të njihet me aktet e dosjes, për të verifikuar nëse provat e paraqitura në shkallën e parë janë bërë pjesë e fashikullit gjyqësor.
Avokatit i është lënë 2 ditë kohë dhe seanca tjetër u caktua pas dy ditësh në 22 dhjetor.
Ndërkohë ndryshimet statutore të Kuvendit të Sali Berishës (11 dhjetorit), u regjistruan nga gjyqtari Agron Zhukri, i cili më 25 mars i kaloi PD-në Berishës.
Gjithashtu në Gjykatë është edhe ankimi i Enkelejd Alibeajt kundër vendimit të Zhukrit për regjistrimin e statutit të Berishës.
Për këtë arsye, Gjykata sqaroi më parë se çdo pasqyrim në regjistrin e partive politike në Gjykatën e Tiranës do të pritet sqarimi i çështjes në Apel, e cila do të ishte një vendim i formës së prerë që do vendosë për fatin e Partisë Demokratike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje