.png)
Klubet e Bundesligës dhe të Bundesligës 2 në Gjermani, 36 në total, po presin me ankth këstin e katërt dhe të fundit të pagesës për të drejtat televizive të këtij sezoni, që aktualisht është pezulluar për shkak të pandemisë së koronavirusit.
Ky këst duhej të ishte derdhur në arkat e klubeve më 10 prill, siç bën me dije revista “Kicker”, duke sjellë në vëmendje faktin se bëhet fjalë për rreth 300 milionë euro. Nëse kjo shumë mbetet e bllokuar ende, rrezikon që shumë klube në Gjermani, katër prej të cilëve të Bundesligës, të falimentojnë. Një zëdhënës i “Sky”-it ka bërë të ditur për agjencinë “Dpa” se po bisedohet me përfaqësuesit e Ligës së futbollit që të gjendet një “zgjidhje konstruktive” për sa i përket pagesës të së drejtës televizive.
Gjithmonë sipas “Kicker”, është shumë pranë akordi me mediet partnere për pagesën, që mund të bëhet më 2 maj. Në të kundërt, rreziku është vërtet i madh. Skuadrat e Bundesligës kanë filluar tashmë punën, nën masa të forta sigurie shëndetësore dhe janë në pritje të rifillimit të kampionatit. Bundesliga, sipas drejtuesve gjermanë, pritet të nisë më 8 ose 15 maj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje