.png)
Gazeta Si – Anthony Albanese, i cili thuhet se është me origjinë arbëreshe, ka fituar zgjedhjet federale të Australisë.
Laburistët janë në gjendje të formojnë qeverinë e pakicës ose të shumicës, që do të thotë se Albanese do të jetë kryeministri i 31-të i Australisë.
Nën drejtimin e Anthony Albanese, kjo forcë ka arritur të fitojë zgjedhjet paralamentare për herë të parë pas një dekade.
Rezultati është një goditje e ashpër për Scott Morrison. Anthony Albanese, 59 vjeç, shpallet kryeministri i parë i vendit nga një prejardhje jo anglo-kelte.
Ai tha se është koha që parlamenti të reflektojë “Australinë moderne”, duke përmendur gjithashtu fillimet e tij modeste si fëmijë i rritur në banesat publike.
Por a është me origjinë arbëreshe kryeministri i ri i Australisë? Emri “Albanese” me shumë gjasë, dyshohet ta ketë një prejardhje të tillë, sipas mediave lokale.
Këtë mbiemër, Anthony e mbart nga babai, Carlo Albanese, që me prejardhje është nga Barletta e Italisë, e cila gjendet në rajonin e Puljias.
Shqiptarëve emri i qytetit Barletta mund t’u kujtojë edhe figurën e rëndësishme shqiptare, Marin Barletin.
Disa kohë më parë në një emision i pyetur nga moderatori se a duhet t’ia thotë emrin “Albaniz, apo Albanizi”, ai u pëërgjigj: “Më thuaj shkurt Albo”.
Ai vetë nuk e ka konfirmuar asnjë herë origjinën e tij, që dyshohet se është arbëreshe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje