.png)
Apolonia mbyll në mënyrën më të mirë sezonin, duke u shpallur kampione e Kategorisë së Parë. Fierakët, fitues të Grupit B në këtë kategori, kanë mundur 2-1 në finale Kastriotin, fituesin e Grupin A. Ishte një fitore e bukur për Apoloninë, me përmbysje madje. Skuadra e trajnerit Artan Mërgjyshi u gjend në disavantazh, pasi Ajazi shënoi për krutanët, por reagimi i saj ishte i admirueshëm.
Redon Mihana, një nga më të mirët në fushë në këtë ndeshje, barazoi për Apoloninë brenda pjesës së parë. Një autogol i Ajazit në pjesën e dytë vendosi këtë ndeshje, duke i dhënë trofeun e kampionit Apolonisë. Për të dorëzuar trofeun e kampionit të së Parës në “Elbasan Arena” kishte shkuar kreu i FSHF-së, Armand Duka.
Pak javë më parë Apolonia siguroi ngjitjen në Superiore pas 5 sezonesh në Kategorinë e Parë, ndërsa ky trofe ishte “qershia mbi tortë” për një sezon mjaft të suksesshëm, i bazuar te një skuadër me moshë shumë të re.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje