.png)
Mes Alqahtani dhe Hershko nuk pati asnjë refuzim garimi dhe përshëndetjeje pas ndeshjes. Këtë herë finalja ishte ajo më e drejta. Kush fiton, i shtrëngon dorën rivales dhe pastaj ngre krahun, duke ia bërë nderin si duhet kujt lufton me nder.
Raz Hershko (që fitoi) dhe Tahani Alqahtani i kanë dhuruar botës një moment paqeje, tri ditë pas “refuzimeve” të xhudistit algjerian dhe një sudanezi për t’u ndeshur kundër izraelitit Tohar Butbul në kategorinë 73 kilogramë. Një gjest, që ka marrë duartrokitjejet e të pranishmëve të paktë në “Nippon Budokan”, si dhe të plateje shumë më të gjerë në botë.
Alqahtani ka shkuar në Japoni nga Arabia Saudite, falë një “wild card”, por sigurisht që nuk u kthye kur shorti për kategorinë 78 kilogramë e vuri përballë izraelites Hershko në turin e parë. Dyshimet ishin normale, duke fituar çfarë ndodhi më 27 korik, kur dy ndeshje u anuluan për vendimin e Fethi Nourine (Algjeri), dhe Mohamed Abdalrasol (Sudan) për të braktisur tatamin.
Të dy donin të evitonin një përballje në turin tjetër kundër 27-vjeçarit Butbul, duke dhënë një sinjal mbështetje për kauzën palestineze. Një sjellje e dënueshme nga CIO, që nisi një hetim për dhunim të normave të kartës olimpike. “Ndeshja mes Tahani Alqahtani dhe Raz Hershko u zhvillua rregullisht dhe përfaqëson një hap të rëndësishëm përpara në drejtim të respektit dhe miqësisë, duke treguar se sporti mund të shkojë përtej çdo influence politike”, – shkruan Federata Ndërkombëtare e Xhudos”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje