.png)
Lëvizjeve të futbollistëve të Kombëtares gjatë kësaj merkatoje vere do t’u shtohet edhe ajo e Ardian Ismajlit. Ai do të ndryshojë skuadër, por do të qëndrojë në Serinë A. Vetëm pas një sezoni me Specian, ku bëri një paraqitje relativisht të mirë, mbrojtësi do të kalojë tek Empoli, skuadra që është ngjitur në nivelin elitar të futbollit italian.
Orët e fundit, sipas shtypit sportiv italian, është diskutuar për një shkëmbim të mundshëm të futbollistit të Kombëtares kuqezi me grekun Dimitri Nikolau, por Specia mund të përfitojë edhe financiarisht nga Ismajli. Futbollisti 24-vjeçar shihet si lojtari i duhur për të udhëhequr mbrojtjen e Empolit në Serinë A. Ismajli e ka përvojën e duhur ndërkombëtare.
Ardian Ismajli ka spikatur me përfaqësimin e tij me Hajdukun e Splitit në Kroaci, ndërsa verën e kaluar u transferua në Serinë A, te Specia. Shumë shpejt vjen kjo lëvizje për tek Empoli, që pritet vetëm të zyrtarizohet. Ismajli është një nga titullarët e mbrojtjes së Kombëtares shqiptare, bashkë me Berat Gjimshitin dhe Marash Kumbullën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje