.png)
Gazeta Si – Zëvendëspresidentja argjentinase, Cristina Kirchner, u dënua nga një Gjykatë e Shkallës së parë me 6 vjet burg për parregullsi në dhënien e kontratave publike.
Gjyqtarët e shpallën të pafajshëm ish-presidentin për akuzën e komplotit kriminal pas akuzave për skema mashtrimi gjatë detyrës.
Pas dënimit dhe përjashtimit të përjetshëm nga postet publike, Kirchner njoftoi se nuk do të kandidojë në zgjedhjet presidenciale të 2023: “Unë nuk do të kandidoj për asgjë. Më mirë të shkoj në burg, se sa të jem kukull e kësaj mafieje dhe këtij shteti paralel dhe për sa kohë që dikush nuk mendon të përpiqet të më qëllojë përsëri, sepse kështu duan të më shohin: në burg apo të vdekur”, – ka thënë ajo.
Nënpresidentja argjentinase u takua me senatorët më të afërt të saj pas vendimit të gjykatës së Buenos Aires për një çështje në lidhje me punimet e rrugëve publike në Santa Cruz, me akuzën për një komplot korrupsioni të kryer midis 2003 dhe 2015.
Megjithatë, vendimi nuk është përfundimtar, pasi pritet apelimi në Gjykatën e Lartë, një proces që mund të zgjasë disa vite. Ajo do të ketë imunitet për aq kohë sa zgjidhet.
Mbështetësit e saj u zotuan se do ta paralizojnë vendin nëse ajo dënohet. Ata bllokuan qendrën e kryeqytetit Buenos Aires dhe marshuan drejt ndërtesës së gjykatës federale, duke u rënë daulleve dhe duke brohoritur ndërsa u përballën me barrierat e policisë.
Prokurorët thanë se Fernández i dha padrejtësisht 51 projekte të punëve publike zotit Lázaro Báez, një manjati ndërtimi dhe aleat i hershëm i saj dhe bashkëshortit të saj Nestor Kirchner, i cili shërbeu si president nga viti 2003 deri në vitin 2007 dhe vdiq papritur në 2010.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje