.png)
Gjashtë punonjës Policie të Portit të Durrësit kanë përfunduar në pranga, pasi akuzohen për shpërdorim detyre dhe korrupsion. Këta punonjës, sipas Shërbimit për Çështjet e Brendshme dhe Ankesat në Ministrinë e Brendshme, kanë lejuar kalimin e personave me probleme në pikën Kufitare të Portit të Durrësit, dhe janë arrestuar. Bëhet fjalë për persona, të cilët nuk mund të udhëtonin në zonën “Schengen”, por punonjësit e Policisë, të arrestuar tashmë, i kanë lejuar kundrejt një përfitimi monetar.
Pas operacionit të quajtur “Kontrollori”, është bërë i mundur arrestimi në kushtet e flagrancës i punonjësve me inicialet A.Gj., 53 vjeç, me detyrën kontrollor, G.B., 29 vjeç, me detyrën kontrollore, G.Ç., 51 vjeç, me detyrë ndihmëskontrollor, D.D., 53 vjeç, me detyrën kontrollore, D.Z., 50 vjeç, me detyrën kontrollor, dhe J.K., 42 vjeç, me detyrën kontrollore.
Drejtoria e Hetimit të SHÇBA-së dhe Prokuroria pranë Gjykatës së Shkallës së Parë Durrës kanë bërë të mundur finalizimin me sukses të këtij operacioni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje